COOKIE-N KONFIGURAZIOA

Webgune honek erabiltzaileek egiten duten erabilpenaren analisia egiteko eta erabilgarritasuna hobetzeko cookieak erabiltzen ditu, baita webgunearen funtzionamendurako beharrezkoak diren cookieak ere.


Beharrezko cookieak

Cookie propioak dira, webgunearen funtzionamendurako beharrezkoak izanik beti gordetzen dira.

informazio +



Analitikarako cookieak

Hirugarrenen cookieak erabiltzen ditugu webgunearen erabilpenaren analisia egiteko. Informazio modu anonimoan jasotzen da. Webgunearen funtzionamendurako beharrezkoak ez direnez hauek ez onartzea hautatu dezakezu.

informazio +



Publizitaterako cookieak

Egoitzaren kokapen-mapa azaltzeko Google Maps erabiltzen dugu. Bere erabilpenak zenbait cookie sortzen ditu, zure interesekin bat egiten duten edukiak erakusteko erabiltzen direnak.

informazio +



Geure cookieak eta hirugarrengoenak erabiltzen ditugu gure webgunean erabiltzaileen nabigazioa aztertzeko eta hobetzeko, betiere mezu hau onartu eta berariaz adostasuna ematen badiozu. Gure cookieen politikari buruz gehiago irakur dezakezu.
GHK
1. argazkia

2018 AZAROA 09

Hondakinen Kontsortzioak ekipamendu berriak instalatuko ditu Lasarte-Oriako airearen kalitatearen kontrola handitzeko

Gipuzkoako Hondakinen Kontsortzioak eta Lasarte-Oriako Udalak akordioa sinatu dute ekipamendu berriak erosteko. Ekipamenduek parametro osagarriak neurtzeko aukera emango dute, udalerriaren airearen kalitatearen kontrol handiagoa bermatuz.

José Ignacio Asensio: “Instalazio hauen zeregina da egungo kutsadura parametroak gainditzen ez direla bermatzea Gipuzkoako Ingurumen Gunearen azpiegiturak martxan daudenean”.

José Ignacio Asensio, Gipuzkoako Hondakinen Kontsortzioko presidenteak eta Jesús Zaballos, Lasarte-Oria Udaleko alkateak, lankidetza hitzarmena sinatu dute udalerriko airearen kalitatea kontrolatzeko kabinan ekipamendu berriak instalatzeko. Kabina honek ingurumen araudia betetzen dela ziurtatzen du. Airearen kalitatearen parametroei eta kutsadura mailari segimendu egiten dio Gipuzkoako Ingurumen Gunea martxan jarri aurretik instalazioa funtzionamenduan dagoenean emaitzak konparatu ahal izateko. Hondakinen Kontsortzioko presidenteak nabarmendu du bere zeregina dela “egungo kutsadura parametroak gainditzen ez direla bermatzea Gipuzkoako Ingurumen Gunearen azpiegiturak martxan daudenean”.

Lasarte-Oriako Udalak Eusko Jaurlaritzak exijitzen ez dituen beste zenbait parametro neurtzeko eskaera egin zuen, udalerriko airearen kalitatearen kontrola handitzeko asmoz, eta parametro hauek neurtu ahal izateko, ekipo bereziak erostea beharrezkoa da.

Lasarten ezarri den estazioaren bidez airearen kalitatea neurtzen da eta, horrela, airean dauden gas eta partikulen mailak zeintzuk diren jakin dezakegu, kontrol egokia eta gardena bermatzeko, eta etorkizunean maila jakin bat ez gainditzeko. Neurketak denbora errealean egiten dira eta, horrela, egungo kutsadura mailak ezagutu ditzakegu eta etorkizunekoekin alderatu. “Gardentasun borondatea erabatekoa da eta neurketak eta kontrolak hasiera-hasieratik egiten dira, baita Ingurumen Gunea abian jarri baino lehen ere” nabarmendu du Asensiok.

Estazioa kutsatzaileen kontzentrazioa neurtzen duten analizagailu edo monitorez hornituta dago. Gailu horiek airearen laginak hartzen eta aztertzen dituzte etengabe, 10 segundotik ordu laurdenera arteko tarteetan, aztertu beharreko kutsatzailearen arabera. Datu horiek gorde, egiaztatu, eta ondoren argitaratu egiten dira Eusko Jaurlaritzako web-gunean.